baarish.......ki jazbaat

kis baat pe ruya tu ae aasma,

kis gum mei tu duba hai,

bola bilakte hue ye sama,

jane kis jahaan mere mehboob khoya hai ,

are, sare ghum agar beh jayenge

tho soch ki kya tere sine mei wo reh payenge,

kis tej teri bijli chamak rahi hai,

dur khadi meri aankhe tere sine mei utne
                    wale agan ko dekh rahi hai,

chahti hu tere ashko ko poch pau,

jab bhi is aash mei tere paas jati hu,

tu is kadr bedard hoke mujhe dhutkarta hai,

kehta hai mere aansu is dhartika jameeen savarta hai,

kya karoon mai ye soch k tere paas nai aati,

jal gai agar tere tej se tho kya hoga?

kya tere aansu ise bhuja payenge?
   ya phir koi khel naya hoga ?

is chuppi mei ek awaz sunai di

     sayad tune apne mehboob ka naam liya hai

suna gaur se tho pata chala

        isi dharti pe se tera prem khila hai

ab aur kya kahu tujse

teri tarah ishq kaun nibha payega?

bina kisi chahat k aas liye kaun sa
   aashiq ishq kar payega.....

tu kehta hai ye mere aansu nahi....

ye tho meri tarf se mere mehboob ko chumne ki
          kosis hai

bas tu dekhti ja
      kitne sare karvat badalti hai,

is raat tu dekh payegi sayad
      kis tarah ye gagan aur dharti milti hai,

jis garv k sath tu bol raha hai,

sayad mai bhi kavi keh paungi

beshaq tere se jyada tho nahi

       par sayad teri tarah apne mehboob ki ho paungi

mere hisab se ek bemisaal prem ki dasta sunati hai

 paas na hoke bhi milaan ki kaahaniya sunati hai

bahut kuch sikhne ko hai tujse

kaash mera mehboob bhi karle
       kavi itni hi mohabbat mujse